“Panorama airways” маҳаллий авиакомпаниясининг Тошкент — Мадина йўналиши бўйича 5П361 рейси пойтахт аеропортида ҳаво кемасида режадан ташқари техник ишлар олиб борилгани сабабли 4 соатдан ортиқ кечиктирилди.
Авиакомпания йўловчиларни ичимлик ва иссиқ овқат билан таъминлади, шунингдек, йўловчиларга меҳмонхонада жойлаштириш таклиф қилинган.
Парвоз жадвалига киритилган ўзгартиришлар тўғрисидаги батафсил маълумотлар авиаташувчи томонидан тақдим этилиши айтилган.
Эслатиб ўтамиз, "Panorama Airways" Тошкент — Мадина — Тошкент йўналиши бўйича парвозларни бекор қилгани ҳақида хабар берган эдик.
Ўшанда 246 нафар йўловчиси бўлган Тошкентдаги рейс 12 соат кутишдан сўнг бекор қилинганди.
