Янги йилнинг илк дақиқаларида Сурхондарёда уч эгизак дунёга келди

Сурхондарё вилояти 1-сонли перинатал марказида янги йил бошланишининг илк дақиқаларида уч эгизак туғилди. Бу ҳақда вилоят ҳокимлиги матбуот хизмати хабар қилди.

Маълум қилинишича, уч эгизаклар ва уларнинг онасига вилоят ҳокимининг совғалари ҳамда байрам табриклари етказилди.

Ҳозирда она ва болаларнинг соғлиги нормал ҳолатда бўлиб, улар шифокорларнинг доимий назоратида.