Қозоғистон республикаси Қарағанда вилояти қутқарувчилари бузилган автобуснинг 40 дан ортиқ йўловчиларини эвакуация қилди, дея хабар бермоқда вилоят Фавқулодда вазиятлар бошқармаси матбуот хизмати.
9 январь куни автобус йўловчилари билан Олмаота-Екатеринбург шоссесида Чимкент-Тоболск йўналиши бўйлаб ҳаракатланаётган бўлган. Автобуснинг бузилиш сабаблари ҳақида хабар берилмаган.
“Фавқулодда вазиятлар хизмати ходимлари носоз автобусдан 41 кишини эвакуация қилди, шундан 14 нафари Ўзбекистон, 27 нафари Қозоғистон фуқаролари”, — дейилади хабарда.
Йўловчилар орасида жабрланганлар йўқ, улар тиббий ёрдамга муҳтож эмас.
Фавқулодда вазиятлар вазирлиги бўрон ҳақида огоҳлантириш пайтида аҳоли пунктларидан ташқарига чиқмасликни тавсия қилди.
