Халқаро Суд Исроилни геноцид ва уруш жиноятларида айблаган Жанубий Африканинг даъвосини кўриб чиқишни бошлади. Бу ҳақда Zamon.uz хабар бермоқда.
Мамлакат узоқ вақтдан бери Исроилнинг фаластинликларга нисбатан муносабатини танқид қилиб келаётган эди. Президент Кирил Рамафоса эса бу мурожаатни Жанубий Африканинг принципиал позицияси деб атади.
Жанубий Африка, шунингдек, Исроилни минтақадаги ҳарбий ҳаракатларни дарҳол тўхтатишга мажбур қиладиган вақтинчалик суд қарорини талаб қилди. Ва бу масала бўйича қарор бир неча ҳафта ичида қабул қилиниши мумкин. Бироқ Исроил буни амалга оширишига кафолат йўқ.
