Самарқандда спиртли ичимлик таъсирида қурилиш объекти қоровулини ўлдириб қўйган эркакка суд ҳукми ўқилди. Бу ҳақда Олий суд матбуот котиби Азиз Абидов маълум қилди.
Қайд этилишича, 2023 йилнинг июль ойида Самарқанд туманидаги қурилиш объектида қоровул 35 ёшли эркак билан биргаликда спиртли ичимлик истеъмол қилган. Улар ўртасида жанжал юзага келган. Натижадаа маст йигит қоровулни уриб, ўлдириб қўйган ва воқеа жойидан қочиб кетган.
Орадан уч кун ўтиб эркакнинг жасадини шу атрофда ўйнаб юрган болалар кўриб қолади. Шундан сўнг бу ҳақда ички ишлар органларига хабар берилади.
Мазкур иш бўйича бўлиб ўтган судда айбланувчига Жиноят кодексининг 97-моддаси (қасддан одам ўлдириш) билан 15 йил муддатга озодликдан маҳрум қилиш жазоси тайинланди.
