Африка бутун қитъада миллионлаб одамларга таъсир қиладиган терроризмнинг глобал марказига айланди. Бу ҳақда БМТ бош котиби Антониу Гутерриш маълум қилди.
Гутерришнинг таъкидлашича, террорчилик таҳдиди кўплаб Африка мамлакатларида, жумладан Сомали, Конго Демократик Республикаси ва Мозамбикда ҳамон сақланиб қолмоқда.
Жаҳон ташкилоти раҳбарининг фикрича, жаҳон ҳамжамияти, биринчи навбатда, Африка қитъасининг ривожланиши ва у ерда инсон ҳуқуқларига риоя этилишига кўмаклашиш учун зудлик билан чора кўриши керак.
"Изоляция, тенгсизлик, мактабда таълим олиш имкониятининг чекланганлиги, касбий имкониятларнинг етишмаслиги, ҳукумат, муассасалар ва қонунларга бўлган ишончнинг сусайиши, инсон ҳуқуқларининг бузилиши ва жазосизлик ҳисси терроризмнинг тарқалиши учун шароит яратади. Биз бу аёвсиз доирани бузишимиз керак", - дея таъкидлади у.
Бош котиб Африканинг улкан салоҳиятга эга эканлигини, аммо терроризм мағлуб бўлгандагина буни амалга ошириш мумкинлигини таъкидлади
