“Саломатлик” тиббий санитар ёрдам поезди. Ушбу поезд режа асосида ва Давлат дастурларини бажариш учун узоқда жойлашган темир йўл тизимида фаолият кўрсатадиган ишчи-ходимларга ҳамда Ўзбекистоннинг чекка ҳудудларидаги аҳолига пуллик тиббий хизмат кўрсатади.
Жорий йилнинг 2 февраль куни оммавий ахборот воситалари учун ташкил этилган пресс-турда айнан шу тиббий санитария ёрдам кўчма профилактика поездида яратилган шароитлар билан танишишди.
“Саломатлик” тиббий санитар ёрдам поезди 5 та вагондан иборат бўлиб, 2 та амбулатория, 1 та флюорография, 1 та дизель вагон ҳамда яна 1 та тиббий ходимлар дам олишлари учун ажратилган вагонлардан иборат.
Шундан сўнг оммавий ахборот воситалари пойтахт Тошкент шаҳрида жойлашган Марказий поликлиника бўлди.
Маълумотларга қараганда ҳозирги кунда поликлинадан юздан зиёд шифокор ва 280 нафар ўрта тиббиёт ходими томонидан бир кунда ўртача 1500 нафар темирйўлчига тиббий хизмат кўрсатилади. Бундан ташқари, аҳолига пуллик хизмат кўрсатиш ҳам йўлга қўйилган.
Бу ерда бир кунда ўртача 120-150 нафар темирйўлчилар тиббий кўрикдан ўтса, 40-50 нафарга яқин соҳа ходимлари тиббий муолажа қилинади. Бўлимда жами 35 нафар, шулардан 5 та шифокор-жарроҳ, 2 та травматолог, 1 та онколог, 2 та уролог ва яна 2 та анестезиолог-реаниматолог ва 1 та эндоскопист мутахассислари мавжуд. Бу ерда асосан чурра кесиш амалиёти, проктологик, травматология, ортопедия амалиётлари, амбулатор ва кичик урологик амалиётлар ҳамда оёқ қон томир касалликлари бажарилади.
Поликлиниканинг жарроҳлик бўлимига янги “Velas” номли лазер жиҳоз сотиб олинди. Kореядан келтирилган ушбу тиббий жиҳозда варикоз – оёқ қон томир касалликларини даволашда қўлланилади. Янги келтирилган ушбу тиббий жиҳоз ёрдамида қон томирларни даволашда жарроҳлик амалиёти қилмасдан, қон томирларни кесмасдан енгил лазер нурлари орқали ушбу касалликни даволаш йўлга қўйилди. Энг муҳими жарроҳлик амалиёти давомида бемор оёғи ва қон томирлари кесилмайди, чандиқ ҳам қолмайди. Авваллари ушбу жарроҳлик амалиёти орқали баданда чандиқ қолган бўлиб, бемор жарроҳлик амалиётидан сўнг 25-30 кундан сўнг соғайиб, меҳнатга лаёқатли бўлар эди. Ушбу замонавий тиббий жиҳоз орқали жарроҳлик амалиётини ўтагач, узоғи билан 4 кунда тўлиқ тузалиб, иш фаолиятини бошлаши мумкин бўлади.
“Velas” тиббий жиҳози орқали нафақат оёқ қон томир касалликлари, балки қорин грижаси, киндик жарроҳлиги ҳам лазер нурлари орқали даволаш имкони бўлмоқда.
Бундан ташқари марказда яна кўплаб жаррохлик ва яна бошқа амалиётлар ўтказилади.
