Ўзбекистон президенти таклифига биноан Александр Лукашенко 7 феврал куни расмий ташриф билан Ўзбекистонга келди. Бу ҳақда Бош вазир матбуот хизмати хабар берди.
Меҳмонни Тошкент халқаро аэропортида Ўзбекистон бош вазири Абдулла Арипов ва бошқа расмийлар кутиб олган.
Қисқа суҳбатдан сўнг, Лукашенко ташриф дастурига мувофиқ навбатдаги манзилга жўнаб кетган.
Маҳаллий ОАВлар маълумотларига кўра, Шавкат Мирзиёев ва Александр Лукашенко “Ҳумо Арена”да “Ҳумо” ва Остонанинг “Номад” жамоалари ўртасидаги ўйинни томоша қилишга боришган.
