Португалия терма жамоаси ҳужумчиси Криштиану Роналду 2023 йилда 275 миллион доллар ишлаб топиб, дунёдаги энг кўп маош олувчи спортчига айланди. Буни Спортисо порталининг рейтинг маълумотлари тасдиқлайди.
Иккинчи ўринни америкалик гольфчи Жон Рам (203 миллион доллар) эгаллади, кучли учликни Аргентина футбол жамоаси ҳужумчиси Лионел Месси (130 миллион доллар) якунлади. Кучли бешликка, шунингдек, америкалик баскетболчи Леброн Жеймс (125,5 миллион доллар) ва футбол бўйича Франция терма жамоаси ҳужумчиси Килиан Мбаппе (125 миллион доллар) кирган.
Шунингдек, материалда турли спорт турлари вакиллари ўртасида даромадлари бўйича 100 нафар спортчининг рейтинги келтирилган. Унда энг кўп баскетболчи (40 киши), иккинчи ўринда футболчилар (16) ва бейсболчилар (13). Шунингдек, америкалик футболчилар (11), гольфчилар (10), боксчилар (6), пойга машинаси ҳайдовчилари ва теннисчилар бор.
Америка футболининг энг кўп маош оладиган вакили америкалик Патрик Маҳомес (84,3 миллион доллар; рейтингда 10-ўрин), ҳайдовчи - голландиялик Макс Верстаппен (75 миллион доллар; 15-ўрин), бейсболчи - япониялик Шохей Охтани (70 миллион доллар; 16-ўрин), боксчи - мексикалик. Саул Алварес (66 миллион доллар; 17), теннисчи - сербиялик Новак Жокович (44,9 миллион доллар; 46).
