Жорий йил 24 февраль куни Ўзбекистон Маданият ва санъатни ривожлантириш жамғармаси Доҳада бўлиб ўтадиган биринчи Дизайн биенналесида @designdohabiennial Crafting Uzbekistan: Tradition in Threads – “Ҳунарманд Ўзбекистон: толалардаги анъана” кўргазма лойиҳасини тақдим этади. Бу ҳақда Президент Администрацияси Ижроия аппаратининг коммуникациялар ва ахборот сиёсати сектори мудири Саида Мирзиёева хабар қилди.
Маълум қилинишича, Doha Dizayn Biennale-2024 Доҳанинг Msheyreb инновацион ҳудудида ташкил этилади.
Ўзбекистоннинг бетакрор экспозицияси халқ ҳунармандчилигининг сўнгги 100 йил ичидаги эволюциясини, юртимиз анъанавий ҳунармандчилигининг нақадар бойлигини акс эттирган. Кўргазманинг энг диққатга сазовор тарафи ҳаракат пайти анъанавий газламаларимизни эслатувчи, ранглари ўзгарувчан линза коринишидаги оёқ ости сатҳидир.
“Ҳунарманд Ўзбекистон: толалардаги анъана” кўргазма лойиҳасига 30 мартга қадар ташриф буюриш мумкин бўлади.
