АҚШнинг БМТдаги собиқ элчиси ва Жанубий Каролинанинг собиқ губернатори Никки Хейли Республикачилар партиясидан президентликка номзод бўлиш учун курашдан чиқишини маълум қилди, деб хабар бермоқда Reuters. У АҚШнинг собиқ президенти Доналд Трампнинг Республикачилар партиясидан сўнгги рақиби эди.
“Менинг кампаниямни тўхтатиш вақти келди. Мен ҳеч нарсадан афсусланмайман”, деди Никки Хейли тарафдорлари билан суҳбатда. Reuters агентлигининг қайд этишича, Никки Хейлининг президентлик пойгасидан чиқиши Доналд Трампнинг бўлажак сайловларда амалдаги президент Жо Байден билан “реванш”да Республикачилар партиясидан номзод бўлишини кафолатлайди.
Хейли ўзининг қисқа нутқида тарафдорларини собиқ президентга овоз беришга ундамади.
