Шимолий Корея етакчиси Ким Чен Ин танк экипажи мусобақаларида янги турдаги жанговар транспорт воситасини синовдан ўтказди, деб хабар бермоқда Корея марказий телеграф агентлиги.
Мусобақада давлат раҳбари билан биргаликда мудофаа вазири Кан Сун Нам ва Корея Халқ армияси Бош штаби бошлиғи Ли Ён Гил иштирок этди.
“Танк экипажларини кўздан кечиргандан сўнг, Ким Чен Ин шахсан ўзи янги турдаги жанговар танкга ўтирди ва рулни маҳкам ушлаб, танкни бошқарди”, — дейилади баёнотда. Унда қайд этилишича, Ким Чен Ин танкнинг жанговар самарадорлигидан “қониқиш билдирган”, шунингдек, унинг маневр қобилияти ва кучини юқори баҳолаган.
Танк экипажи мусобақаси натижасида Сеулнинг 105-гвардия танк дивизияси Рю Кюнгсу ғалаба қозонди. Ким Чен Ин ғолибларни эришилган натижалар билан табриклади ва танк экипажларининг юқори ҳарбий тайёргарлигини таъкидлади.
