Ғарбий Қозоғистон вилояти Теректинский тумани Подстепное қишлоғи ва Уралскда 750 киши эвакуация қилинди. Бу ҳақида zamon.uz хабар берди.
– Далалардан катта ҳажмдаги эриган сувнинг Ўзинкўл сув омборига оқиб тушиши туфайли унинг тошиб кетиши ва Ғарбий Қозоғистон вилояти Теректин туманидаги Ўзинкўл қишлоғини сув босиши хавфи мавжуд. Шу муносабат билан Теректин туманидаги Подстепное қишлоғи ва Уралск шаҳрида аҳолини эрта эвакуация қилиш ишлари олиб борилди. Ҳаммаси бўлиб 750 киши эвакуация қилинди, шу жумладан. 230 нафар бола, - дея хабар берди Қозоғистон Республикаси Фавқулодда вазиятлар вазирлиги.
Сув тошқини олдини олиш ва эвакуация қилиш учун Фавқулодда вазиятлар вазирлиги, маҳаллий ижро ҳокимияти органлари, ички ишлар бўлимининг 112 киши ва 39 бирлик турли техникаси жалб этилган. Сув омбори тўғонининг корпусини мустаҳкамлаш чоралари кўрилмоқда, ишлар давом этмоқда.
Ўзинкўл сув омборида ўпирилиш содир бўлган тақдирда Ўзинкўл, Юбилейное, Кемер, Жана Омир ва Барбастау қишлоқларини сув босиши хавфи мавжуд, дея таъкидлади Қозоғистон Республикаси Фавқулодда вазиятлар вазирлиги.
2 апрель куни Ғарбий Қозоғистон вилоятида фавқулодда ҳолат эълон қилинди. Вилоят ҳокимининг ўринбосари Қалияр Айтмуҳамбетов масъул этиб тайинланди. Унга табиий фавқулодда вазиятларнинг оқибатларини бартараф этишга қаратилган тадбирларни амалга ошириш юкланган.
Қозоғистон гидромети ҳафта охиригача минтақада сув сатҳи ошиши ҳақида огоҳлантирилди.
