Ўзбекистон Республикаси Аэронавтика Федерацияси раиси ўринбосари, Ўзбекистон Либерал-демократик партияси Халқ депутатлари Учтепа тумани Кенгаши депутати, Суд-ҳуқуқ ва коррупцияга қарши курашиш масалалари бўйича комиссияси аъзоси, сиёсатшунос ва жамоатчилик фаоли Нуриддин Зайнитдинов кеча, 13 апрель куни ҳуқуқни муҳофаза қилиш органлари ходимлари томонидан қўлга олинган. Бу ҳақда Экология, атроф-муҳитни муҳофаза қилиш ва иқлим ўзгариши вазири маслаҳатчиси Расул Кушербоев маълум қилди.
Депутатнинг нима учун қўлга олингани ва ушлаб турилгани ҳозирча номаълум.
Муқаддам Нуриддин Зайнитдинов бир неча бор ўзига қарши "провокация " ва босимлар уюштирилаётгани ҳақида баёнот берганди.
