Бу йил Қирғизистонда “Ўлмас полк” марши бўлмайди, деб хабар қилди мамлакат ИИВ.
Қарор “жамоат хавфсизлигига мавжуд таҳдидларни ҳисобга олган ҳолда” қабул қилинган.
Вазирлик аҳоли гавжум жойларда ҳуқуқ-тартиботни бузиш, жиноят содир этиш хавфининг олдини олиш ва бартараф этиш бўйича комплекс чора-тадбирлар кўрилаётганини маълум қилди.
Ички ишлар вазирлиги қирғизистонликларни хавфсизлик чораларига тушуниш билан муносабатда бўлишга чақиради.
Шунингдек, Қозоғистон президенти Қосим Жумарт Тоқаев котибияти ҳам барча йирик шаҳарлар ҳокимликларига 9 май куни билан боғлиқ ҳар қандай тадбирларни, шу жумладан, "Ўлмас полк" юришини таъқиқлаш бўйича кўрсатма юборди.
Россияда ҳам хавфсизлик нуқтаи назаридан "Ўлмас полк" юриши бу йил ўтказилмайдиган бўлди.
