Ўтган куни Кремлда бўлиб ўтган инаугурация маросимида Владимир Путин мамлакат Конституцияси бўйича Россия президенти сифатида қасамёд қилди, бу унга кейинги 6 йилга — 2030 йилгача тегишли ваколатларни беради ва унга яна қайта сайланиш имкониятини беради. Шундай қилиб Владимир Путин бешинчи марта Россия Федерацияси президенти лавозимига расман киришди.
Шундан сўнг, Путин Михаил Мишустиннинг мамлакат Бош вазири лавозимига номзодини тақдим этди.
Конституцияга кўра, Россия Федерацияси ҳукумати раиси Давлат Думаси томонидан тасдиқланади. Бош вазир тасдиқланганидан кейин бир ҳафтадан кечиктирмай Президентга федерал ижроия органларининг тузилмаси бўйича таклифлар киритади. Шунингдек, у Президентга Бош вазир ўринбосарлари ва федерал вазирлар лавозимларига номзодларни таклиф қилади.
