1

7 ёшли мўғулистонлик қиз шахмат бўйича жаҳон чемпионатида учта олтин медални қўлга киритди

СПОРТ 16.05.2024, 08:33
7 ёшли мўғулистонлик қиз шахмат бўйича жаҳон чемпионатида учта олтин медални қўлга киритди

Перу пойтахти Лима шаҳрида ўтказилган мактаб ўқувчилари ўртасидаги жаҳон чемпионатида 7 ёшгача бўлган қизлар ўртасида Аз-Эрдене Нямдава учта олтин медални қўлга киритди.

Бу йил мактаб ўқувчилари ўртасида шахмат бўйича ўтказилган жаҳон чемпионатида Аз-Эрдене 7 ёшгача бўлган қизлар тоифасида иштирок этиб, блиц, рапид ва стандарт вариациялар бўйича 3 та олтин медални қўлга киритиб, 40 нафар спортчидан устун келди.

Олти ёш тоифасини қамраб олган ФИДЕ 2024 йилги мактаб ўқувчилари ўртасидаги жаҳон чемпионатида 26 давлатдан 1200 нафар шахматчи, жумладан, Мўғулистондан 11 нафар шахматчи иштирок этган.

Мўғулистон Таълим ва фан вазири Энкҳ-Амгалан Лувсанцерен Аз-Эрдене ва унинг отаси, мураббий Нямдава, шунингдек, Мўғулистон терма жамоаси аъзоларини чемпионатдаги муваффақиятли иштироки билан табриклаб, келгуси турнирларда муваффақиятлар тилади.

Нямдаванинг таъкидлашича, унинг уч фарзанди ҳам шахмат ўйнайди, Аз-Эрдененинг акаси ва синглиси эса мамлакат чемпиони. 

Аз-Эрдене тўрт ёшида шахмат ўйнашни бошлаган ва шундан сўнг ажойиб муваффақиятларга эришиб, Мўғулистон миллий шахмат чемпионатида учта олтин ва иккита бронза медалини қўлга киритган.

Шарҳлар

Об-ҳаво: Тошкент
Валюта курси
1