Термиз шаҳрида содир бўлган ЙТҲ оқибатида жароҳатланганлар йўқ. Бу ҳақда Сурхондарё ИИБ матбуот хизмати маълум қилди.
Хабар берилишича, Термиз шаҳрининг Ат-Термизий ва А.Навоий кўчалари кесишган чорраҳада Мatiz, Nexia-3 ҳамда Cobalt автотранспортлари иштирокида йўл-транспорт ҳодисаси юзага келган. ЙТҲ оқибатда ҳеч ким тан жароҳати олмаган ва ўлим ҳолати қайд қилинмаган. Nexia-3 автомашинасида ёнғин кузатилган. Ҳозирда ёнғин бартараф этилиб, қўшимча тергов ишлари олиб борилмоқда.
ЙТҲ келиб чиқиши сабаби юзасидан қўшимча маълумотлар берилиши айтилди.
