Мексиканинг Сан-Луис-Потоси шаҳридаги тунги клубнинг балкони олти метр баландликдан қулаб тушиши оқибатида икки киши ҳалок бўлди, яна ўн беш киши жароҳатланди. Бу ҳақда Замон.уз хабар берди.
Маълумотларга кўра, беш нафар жабрланувчи оғир яраланган ва улар реанимацияда.
Шаҳар ҳукумати клуб жойлашган савдо маркази жамоатчиликка ёпиқ эканлигини айтди. Дастлабки маълумотларга кўра, оммавий тадбир ташкилотчилари уни ўтказишга рухсат бермаган, ҳозирда тергов ҳаракатлари олиб борилмоқда.
