Озарбайжонда икки чегарачи яшин уриши оқибатида ҳалок бўлди

Озарбайжон жанубида икки чегарачи яшин уриши оқибатида ҳалок бўлди, деб хабар берди мамлакат давлат чегара хизмати. Ҳодиса 9 июнь куни эрталаб содир бўлган.

“Раҳбарият ҳалок бўлган ҳарбий хизматчиларнинг оила аъзолари ва яқинларига чуқур ҳамдардлик билдиради ва уларга сабр тилайди”, — дейилади хабарда. Департамент терговни бошлади.