1

Нега “Бахти Ташкентский” нинг судини видео ва аудиога олишга рухсат берилмаяпти?

ЖАМИЯТ 10.06.2024, 21:36
Нега “Бахти Ташкентский” нинг судини видео ва аудиога олишга рухсат берилмаяпти?

Ижтимоий тармоқдаги айрим каналлар ва электрон нашрларда “Бахти Ташкентский” ва бошқаларга оид жиноят иши очиқ суд мажлисида кўриб чиқилаётган бўлса-да, раислик этувчи томонидан оммавий ахборот воситалари ходимларига суд жараёнини видеотасвир ва аудиога олиш чеклангани муҳокамаларга сабаб бўлмоқда.

Судьялар олий кенгаши Матбуот хизматининг маълум қилишича, мазкур жиноят иши бўйича аввалги суд мажлисидан олинган лавҳалар қатор оммавий ахборот воситалари ва ижтимоий тармоқдаги каналларда турлича талқинлар билан эълон қилингани, натижада жамоатчиликда нотўғри тасаввурлар шаклланишидан ташқари судга нисбатан ижтимоий босим эҳтимолини ҳам пайдо қилмоқда.

- Шундан келиб чиқиб, раислик этувчи томонидан зарур процессуал чоралар кўрилиши мутлақо табиий, Қонун бунга изн беради (ЎзР ЖПК, 408-модда). Қолаверса, бундай тартиб халқаро амалиётда ҳам кўплаб кузатилади.

Бироқ суднинг мазкур ажрими суд мажлисида журналист ва блогерларнинг иштирокини узил-кесил таъқиқламайди. Яъни, улар жараённи бевосита кузатиши, ўзлари учун зарур қайдлар қилиб бориши ҳамда турли башорат ва тахминларга берилмаган ҳолда ахборотлар эълон қилишига монеълик йўқ, - дейилади расмий баёнотда.

Шарҳлар

Об-ҳаво: Тошкент
Валюта курси
1