Бугун, 2024 йилнинг 13 июнь куни соат 15:00 да Жиноят ишлари бўйича Шайхонтоҳур тумани судида судья А.Абдулҳаев раислигида бундан 19 йил олдин содир этилган жиноят иши кўриб чиқилган.
Айтилишича, Тошкент вилоятининг Янгийўл туманида жойлашган ҳарбий қисмда станция бошлиғи лавозимида ишлаб келган 24 ёшли йигит Тошкент шаҳридаги кафеларнинг бирида 19 ёшли аёл билан танишиб қолган. У билан ишқий муносабатга киришган.
Аёл билан бўлган ишқий муносабатлари давомида у билан икки маротаба жинсий яқинлик қилган. Натижада ўзида ҳолсизлик, жинсий аъзоларининг яллиғланиши каби касаллик белгилари пайдо бўлган. Мудофаа вазирлигининг марказий ҳарбий клиник шифохонасида унга ўткир бактериал уретрит ва тери-таносил касалликлари туркумига кирувчи ганорея касаллиги ташҳизи қўйилади.
Шундай бўлса-да, у марҳума билан бирга яшаган. Тўртинчи маротаба жинсий алоқада бўлгач, аёлга ундан касаллик юқтириб олганини айтиб, унинг хизмати учун берилиши лозим бўлган 200 минг сўмни бермаган. Ҳақини ололмаган аёл эркакни ҳақоратли ва беҳаё сўзлар билан сўккан. Бунга чидай олмаган эркак унга жами олтмиш бир маротаба пичоқ билан тан жароҳати етказиб, ўта шафқатсизлик билан таъмагирлик ниятида қасддан ўлдирган.
Судда сўз олган судланувчи айбига иқрорлигини, қилмишидан пушаймонлигини айтиб, виждон амри билан айбини тан олганини, тергов пайтида айбига ўзи иқрор бўлганини билдирди.
Суд унга узил-кесил 17 йил озодликдан маҳрум қилиш жазосини тайинлади.
