Жорий йилнинг 10 июнь куни соат 13:50 да Тошкент вилояти ФВБга Юқоричирчиқ тумани ҳудудидан оқиб ўтувчи "Қорасув" дарёси ўртасида бир бола қолиб кетганлиги тўғрисида хабар келиб тушган.
Маълум бўлишича, дарёга чўмилиш мақсадида борган бола сузиб ҳолдан тойган ва дарё ўртасидаги оролчага чиқиб олган. Сув оқимининг тезлиги юқори бўлганлиги сабабли орқага қайтишни имкони бўлмай қолган.
Мазкур ҳолат бўйича, Тошкент вилояти ФВБ қутқарувчилари зудлик билан айтилган манзилга етиб борган. Олиб борилган тезкор ҳаракатлар натижасида, оролчада қолиб кетган бола махсус анжомлар ёрдамида соғ-саломат қирғоққа олиб ўтилган.
