Президент Владимир Путиннинг айтишича, Россия Шимолий Кореяга қурол етказиб бериши мумкин. Бу Ғарбнинг Украинани қуроллантириш ҳаракатига жавоб бўлади. Россия раҳбари Шимолий Кореяга бориб, мудофаа шартномасини имзолаган. Бу ҳақда Путин Вьетнамдаги матбуот анжуманида маълум қилди.
Ғарб давлатлари Москва ва Пхеньян алоқаларидан хавотир билдириб келади. Путин шу ой бошида Россия Ғарб душманларини қурол билан таъминлаши мумкинлигидан огоҳлантирган эди. Чунки Ғарб Украинани юқори аниқликдаги қуроллар билан қўллаб-қувватлаб, Россия ичидаги нишонларга ўт очишга рухсат берган. Шундай қилиб, Путин Шимолий Корея Россия қуролларини олувчи давлатлардан бири бўлишини айтиб ўтди.
"Мен Пхеньянда ҳам биз дунёнинг бошқа минтақаларига қурол етказиб бериш ҳуқуқини сақлаб қолишимизни айтдим. Шимолий Корея билан келишувларимизни ҳисобга олсак, буни ҳам истисно қилмайман", — деган у.
Шунингдек, бундай баёнот Жанубий Кореянинг Украинага қурол етказиб бериш жараёнига тўғри келди. Путин Жанубий Корея Киевга қурол етказиб беришга қарор қилса, "катта хатога йўл қўйиши"ни ва Москва бундай ҳаракатга Сеул учун оғриқли тарзда жавоб беришини айтди.
Путин Вьетнамдаги журналистлар билан ўтган матбуот анжуманида ядро доктринасини қайта кўриб чиқаётганини маълум қилган. Чунки унинг потенциал душманлари ядро қуролидан фойдаланиш чегарасини пасайтириш билан боғлиқ янги элементлар устида ишлаётганини айтди.
