Тошкентдаги кўп қаватли уйлардан бирида ёнғин содир бўлди. Бу ҳақда Тошкент шаҳар ФВБ матбуот хизмати маълумот берди.
Қайд этилишича, 14 июль куни соат 22:10 да Тошкент шаҳар, Яшнабод тумани, “Ватандош” МФЙ, Тузел даҳаси 12А-уйдаги хонадонларнинг бирида, ёнғин содир бўлаётганлиги тўғрисида Тошкент шаҳар ФВБга хабар тушган.
Шунга кўра, ёнғин-қутқарув экипажлари соат 22:18 да воқеа жойига етиб бориб, ёнғин соат 22:33 да ўчирилган. Содир бўлган ёнғин оқибатида хонадондаги уй жиҳозлар ёнган. Ёнғин сабаби ва моддий зарар миқдори аниқланмоқда. Ҳодиса оқибатида тан жароҳати олган ва ҳалок бўлганлар йўқ.
