Гулистонда 20 июль куни дўкон сотувчиси QR-кодли чек сўраган 12 ёшли болага тарсаки туширгани ҳақида хабар берилгандик.
Дўкон сотувчиси З.А.нинг ғайриқонуний ҳаракатлари учун Маъмурий жавобгарлик тўғрисидаги кодекснинг 183-моддаси (майда безорилик) билан маъмурий жавобгарликка оид иш қўзғатилганди.
22 июль куни жиноят ишлари бўйича Гулистон шаҳар судида мазкур иш кўриб чиқилиб, З.А.га 15 сутка маъмурий қамоқ жазоси тайинланди.
Маълумот учун, бугун Солиқ қўмитаси раиси Шерзод Кудбиев харид чеки сўраб, сотувчининг қўпол муносабатига дуч келган 12 ёшли Қўчқоров Шаҳбоз Фаррух ўғли билан шахсан учрашиб, унга миннатдорлик билдирди.
