Сурхондарё вилоятида Деновдаги хонадонлардан бирига бўри келиб қолди. Бу ҳақда Экология, атроф-муҳитни муҳофаза қилиш ва иқлим ўзгариши бошқармасига мурожаат келиб тушди.
Ўрганишлар натижасида бўри Денов тумани “Ибн Сино” маҳалласида яшовчи фуқаронинг хонадонига кириб қолгани, фуқаро аҳолига зарар етказмаслиги учун бўрини уйида сақлагани ва вилоят Экология бошқармасига мурожаат қилгани аниқланган.
Бўрининг саломатлиги мутахассислар томонидан кўздан кечирилган ва “Юқори Тўпаланг” миллий табиат боғи ҳудудига қўйиб юборилган.
