Ижтимоий тармоқларда Чироқчи тумани ҳокими Файзулла Юсупов фуқарога тарсаки туширгани акс этган видеолавҳа тарқалган эди.
Қашқадарё вилояти ҳокимлигининг видеога муносабатида маълум қилинишича, ушбу масала йиғилишда кескин муҳокама қилинган. Туман ҳокими Ф.Юсупов ушбу хатти-ҳаракати ва иш фаолиятида йўл қўйган бошқа камчиликлари учун интизомий жазога тортилган.
Ҳокимга фуқаро билан хушмуомала ва ҳурмат билан муносабатда бўлиши, мулоқот чоғида одоб-ахлоқ қоидаларига қатъий риоя қилиши кераклиги уқтирилган.
Яна бу каби ҳолатларга йўл қўйган тақдирда тегишли жавобгарликка тортилиши тўғрисида қатъий огоҳлантирилган.
