3 август куни HY9684 авиақатновини амалга оширган A320 UK32015 ҳаво кемаси Россия ва Қозоғистон чегараси бўйлаб атмосферанинг 11 км юқори баландлигида ғайритабиий ноодатий дўл ҳодисаларига учраган.
Натижада, парвоз кемасининг олди ойналари шикастланган. Экипаж белгиланган процедураларни амалга ошириганидан сўнг, парвозни давом эттирган. Тошкентга қўниш жадвалга мувофиқ амалга оширилиб, самолёт текширувдан ўтказилганда, метеолокатор бурун конусининг шикастланиши аниқланган.
Ҳаво кемаси бортида 174 йўловчи ва 6 экипаж аъзоси бўлган.
"Ҳозирги вақтда ҳаво кемасининг шикастланган қисмини таъмирлаш ишлари олиб борилмоқда. Яқин кунларда ҳаво кемаси мунтазам равишда парвозларни амалга оширишни бошлайди.
Эслатиб ўтамиз, ушбу ҳодиса парвозларни давом эттириш учун таҳдид ёки жиддий муаммо туғдирмайди, - дея хабар бермоқда компания Матбуот хизмати.
