Жорий йилнинг 4 август куни Тошкент шаҳар Сергели туманида яшаб келаётган, 2009 йилда туғилган вояга етмаган Х.С. яшаш хонадонининг 5-қават деразасидан ўз эҳтиётсизлиги оқибатида ерга тушиб кетган. Бу ҳақда darakchi.uz'га Бош прокуратура матбуот хизмати раҳбари Ҳаёт Шамсутдинов хабар берди.
Х.С. кўрсатилган тез тиббий муолажаларга қарамасдан вафот этганлиги аниқланган.
Марҳум 2-гуруҳ ногирони бўлганлиги, шунингдек, ақли заифлиги сабабли руҳий-асаб касалликлари диспансерида рўйхатда турганлиги маълум бўлган.
Ҳозирда, Сергели туман прокуратураси томонидан терговга қадар текширув ҳаракатлари ўтказилмоқда.
