Кеча, 29 август куни соат 03:30 атрофида Фарғона шаҳар Киргили мавзесида 2005 йилда туғилган Т.А. Spark автомашинасини бошқариб кетаётиб, кескин тормоз босиши натижасида руль бошқарувни йўқотиб, йўл четидаги бетон симёғочга урилиб йўл-транспорт ҳодисасини содир этган. Бу ҳақда Фарғона вилояти ИИБ ЖХХ ЙҲХБ ахборот хизмати хабар берди.
Ушбу ЙТҲ натижасида Spark автомобилида бўлган йўловчилар 2 нафар 2005 йилда туғилган Қ.М. ва Ю.А. ҳамда 2004 йилда туғилган Э.Ш. ва Н.Ф.лар тан жароҳати олиб шифохонага ётқизилган. Кўрсатилган тиббий муолажаларга қарамасдан Қ.М. ва Ю.А.лар шифохонада вафот этган.
