“Онамнинг дуоси мени асрайди” қўшиғи учун Сардор Мамадалиев товон пули ва маънавий зарар тўлайдиган бўлди. Бу ҳақида адвокат Беҳзод Ғаниев маълум қилди.
Иловадаги суд ҳужжатига кўра, даъвогар Жўраев Асадулла Жумаевич ўз муаллифлигидаги “Қарғиш” номли шеърни жавобгар Мамадалиев Сардор Маърупович “Ота-онамнинг дуоси” номли қўшиғида фойдаланганлиги, ижтимоий тармоқларга жойлаштирганлиги, концертларда ва клип яратиб ижро этганлиги учун товон пули ҳамда маънавий зарар ундиришни сўраб, судга даъво аризаси киритган.
Суд ҳал қилув қарори билан шоир фойдасига хонандадан 66 млн. сўм миқдорда товон пули ва 15 млн. сўм миқдорда маънавий зарар ундириш белгиланган.
Суд ҳужжатларида “Қарғиш” ижодий асарининг (шеърининг) муаллифи даъвогарнинг ўзи эканлиги “Шарқ Юлдузи” журналининг 1990 йилдаги 9-сони ва мени синфдошим ҳисобланган Д.Тожалиевнинг муаллифлигидаги "www.ziyouz.com kutubxonasi" расмий интернет сайти билан исботланиши қайд қилинган.
Онлайн кузатув бўлимига кўра, суд ҳал қилув қарори юқори инстанцияларда бекор қилинмаган ва бугунги кунда қонуний кучда.
