Германия канцлери Олаф Шольц 15−17 сентябрь кунлари Ўзбекистон ва Қозоғистонга ташриф буюради. Бу ҳақда Германия ҳукуматининг расмий вакили Штеффен Хебештрайт маълум қилган.
Қайд этилишича, бу Шольцнинг Марказий Осиёга илк ташрифи бўлади ва унга минтақа давлатлари билан ҳамкорликни чуқурлаштириш мақсадида "катта бизнес делегацияси" ҳамроҳлик қилади.
У Ўзбекистон ва Қозоғистон президентлари билан икки томонлама музокаралар ўтказади, шунингдек, 17 сентябрь куни Қозоғистонда бўлиб ўтадиган "Марказий Осиё-Германия" (5+1) иккинчи саммитида иштирок этади.
