Агар талабалар уй-жойларни ижарага олсалар, ижарага берувчи жисмоний шахс томонидан ижара шартномаси солиқ органларида ҳисобга қўйилиши лозим. Бу ҳақида Солиқ қўмитаси Матбуот хизмати хабар берди.
Буни ijara.soliq.uz сайтида ёки Солиқ мобил иловасида амалга ошириш мумкин.
Ижара шартномаларини рўйхатдан ўтказишда талабалардан электрон рақамли имзо талаб этилмайди. Батафсил маълумот видео қўлланмада.
Талабаларга уй-жойни ижарага берувчи мулк эгалари бу даромадлардан солиқ тўламайди.
Шартномани рўйхатдан ўтказиш ҳар икки томоннинг ҳуқуқларини ҳимоя қилади ва ижара муносабатларининг шаффофлигини таъминлайди.
