Венгриянинг Будапешт шаҳрида бўлиб ўтаётган 45-Бутунжаҳон шахмат Олимпиадасининг 1-тури Ўзбекистон терма жамоаси учун муваффақиятли якунланди. Бу ҳақда Спорт вазирлиги хабар қилди.
Олимпиадада юришни 2 жамоамиз ҳам ғалаба билан бошлади.
Йигитлар терма жамоамиз Тринидад & Тобагони 3.5-0.5 ҳисобида мағлуб этишган бўлса, қизларимиз мукаммал ҳисоб, 4:0 билан Гаити жамоасини таслим этишди.
Мусобақанинг 2-тур учрашувлари бугун бўлиб ўтади, Унда эркаклар жамоаси Мисрга қарши дона сурса, қизлар жамоаси Ангола билан беллашади.
