Ливаннинг турли ҳудудларида пейжерларнинг портлаши натижасида 4000 киши жароҳатланди, 11 киши ҳалок бўлди. Бу ҳақда Ливан Cоғлиқни сақлаш вазири вазифасини бажарувчи Фирас Абяд маълум қилди.
Маълумотларга кўра, "Ҳизбуллоҳ”нинг Суриядаги бир неча аъзоси ҳам пейжерларнинг портлаши натижасида яраланган.
Reuters агентлигининг Ливандаги манбаларига таяниб хабар беришича, портлаган пейжерлар янги модель бўлиб, “Ҳизбуллоҳ” уларни сўнгги бир неча ой ичида Исроил гуруҳ аъзоларини смартфонларнинг геолокациясидан фойдаланиб кузатиб бораётгани сабабли сотиб олган. Пейжерлар махфий алоқа учун ишлатилган ва ўз-ўзини йўқ қилиш функциясига эга бўлган.
Жабрланганларнинг сўзларига кўра, портлашдан олдин қурилмалар жудаям қизиб кетган. Хакерлар ҳужуми натижасида барча қурилмалар бир вақтнинг ўзида портлаган.
