Венгрия пойтахти Будапешт шаҳрида Бутунжаҳон шахмат Олимпиадаси давом этмоқда. Ўзбекистон жамоаси 8-турда ғалаба қозониб, 2-ўринга кўтарилди.
Бугун, 9-турда, эркаклар терма жамоамиз чемпионлик йўлида асосий рақиб — Ҳиндистон терма жамоасига қарши баҳс олиб боради. Бу учрашув шахматчиларимиз учун ҳал қилувчи аҳамиятга эга бўлиб, йигитларимиздан юқори даражадаги ўйин кутиб қоламиз.
Аёллар терма жамоамиз эса Сербия жамоаси билан тўқнаш келади. Қизларимиз ҳам ғалаба учун бор кучларини сарфлаб, юртимиз шаънини ҳимоя қилишига ишонамиз.
Учрашувлар бугун соат 18:15 да бошланади.
