Президент Шавкат Мирзиёев Қозоғистоннинг Ўзбекистондаги элчиси Бейбут Атамқуловни “Дўстлик” ордени билан мукофотлади. Бу ҳақда Ташқи ишлар вазири Бахтиёр Саидов хабар қилди.
Маълум қилинишича, орден элчининг икки давлат ўртасидаги ўзаро ҳурмат ва ишонч, яхши қўшничилик ва стратегик шериклик муносабатларини янги босқичга кўтариш, сиёсий, ижтимоий-иқтисодий, маданий-гуманитар ҳамкорликни амалий маъно-мазмун ҳамда муҳим ташаббуслар билан бойитиш, устувор йўналишлардаги алоқаларни кенгайтириш ва ҳар томонлама ривожлантириш йўлидаги улкан хизматлари учун берилган.
Ташқи ишлар вазири Бахтиёр Саидов мукофотни бугун элчига топширди.
