Бугун Ёшлар ижод саройида Ўзбекистон шахмат федерациясининг навбатдан ташқари Конференцияси йиғилиши бўлиб ўтди.
Унда Ўзбекистон шахмат федерациясининг янги таҳрирдаги устави тасдиқланди ва Федерациянинг янги раҳбарлари сайланди.
Хусусан Синдаров Комил Ойдинович – Ўзбекистон шахмат федерацияси раисининг ўринбосари, Ёшлар ишлари агентлиги директори Саъдуллаев Алишер Зафар ўғли – Ўзбекистон шахмат федерацияси раисининг биринчи ўринбосари, Ўзбекистон Республикасининг Бош вазири Арипов Абдулла Нигматович – Ўзбекистон шахмат федерацияси раиси лавозимига сайланишди.
