Исроил томонидан ўлдирилган Ҳасан Насруллоҳнинг ўринбосари ва ҳаракатининг энг кўзга кўринган раҳбарларидан бири ҳисобланган 71 ёшли Наим Қосим “Ҳизбуллоҳ” ҳаракатининг янги раҳбари этиб тайинланди.
Шундан сўнг, Исроил “Ҳизбуллоҳ”га янги раҳбар тайинланишига изоҳ берди
"Наим Қосим ўзидан олдинги раҳбарлар Ҳасан Насруллоҳ ва Ҳошим Сафийиддиннинг йўлидан борадиган бўлса, унинг бу лавозимда қолиш муддати “Ҳизбуллоҳ” тарихидаги энг қисқаларидан бири бўлиши мумкин. Бу ташкилотни ҳарбий куч сифатида йўқ қилишдан бошқа йўл йўқ", дейилади Исроил ТИВ баёнотида.
Маълумот учун, 71 ёшли Наим Қосим 1982 йилда “Ҳизбуллоҳ”га асос солган шахслардан бири ҳисобланади.
