Ўзгидромет хабарига кўра, бугун кундузи Қорақалпоғистон Республикаси, Хоразм, Бухоро, Навоий вилоятларида баъзи жойларда ёмғир ёғади. Республиканинг қолган ҳудудларида куннинг иккинчи ярмида баъзи жойларда ёмғир ёғади. Сурхондарё вилоятида ва Фарғона водийси вилоятларида ёғингарчилик кутилмайди. Шамол 7-12 м/с тезликда эсади, баъзи жойларда 13-18 м/с гача кучайиши, айрим жойларда чанг-тўзонлар билан кузатилиши мумкин. Ҳарорат 20-25° илиқ, шимолда 8-13° бўлади.
Пойтахтда кечга томон ёмғир ёғади. Шамол 5-10 м/с тезликда эсади, кечга томон 12-14 м/с гача кучайиши мумкин. Ҳарорат 23-25° илиқ бўлади.
Тоғли ҳудудларда вақти-вақти билан ёмғир ёғади. Шамол 7-12 м/с тезликда эсади, баъзи жойларда 13-18 м/с гача кучайиши мумкин. Ҳарорат 13-18° илиқ бўлади.
