Кеча ижтимоий тармоқларда Тошкент вилояти Назарбек шаҳарчасида бир эркак маст ҳолда кўчада пичоқ билан юргани тасвирланган видео тарқалди. Мазкур ҳолат юзасидан Тошкент вилояти ИИББ матбуот котиби Бобур Тўлаганов муносабат билдирди.
Маълум бўлишича, маст эркак ҳеч кимни жароҳатламаган, атрофдаги фуқароларга зарар етказмаган. Видеодаги шахс вилоят ИИОО ходимлари томонидан тезкор тартибда ушланган. Айни пайтда ҳолат юзасидан унга нисбатан тегишли ҳужжатлар расмийлаштирилиб, терговга қадар текширув ҳаракатлари кетмоқда.
