Куни кеча, вилоят ФВБ, Хавфли жараёнларни кузатиш маркази Шаҳрисабз туман бўлими, Китоб туман Ҳокимлиги ва туман ИИБ ҳамкорлигида махсус-тактик ўқув машқи бўлиб ўтди.
Машқ режасига кўра, ушбу автомобил йўлида фуқаролар ва транспорт воситаларининг хавфсиз ҳаракатланишини таъминлаш мақсадида, йўл атрофидаги кўчки ва тош қулаши хавфи мавжуд бўлган ҳудудларда тегишли муҳандис-техник тадбирлар амалга оширилди.
Мутахассисларнинг хулосасига кўра, ушбу довондан ўтувчи автомобил йўлига тош тушиш хавфи бўлган 17 та жойлардан вилоят Фавқулодда вазиятлар бошқармаси қутқарув отряди қутқарувчилари томонидан мажбурий тош тушириш ишлари амалга оширилди.
Шу билан бирга, вилоят Фавқулодда вазиятлар Давлат қуйи тизими (ФВДқТ) кирувчи хизматлари ҳамкорлигида туширилган тоғ жинслари қатнов қисмидан олиб ташлаш ишлари бажарилди.
Эслатиб ўтамиз, ушбу давонда тоғдан кўчган тош "Кобальт"ни босиб қолган эди.
