Россиянинг «Аэрофлот» авиакомпаниясининг Фарғона – Москва йўналиши бўйича СУ1971 рейсини амалга ошираётган самолёт Тошкент аэропортига фавқулодда қўнган.
Жамият матбуот хизматига кўра, бунга йўловчилардан бирининг соғлиғи ёмонлашгани сабаб бўлган. Экипаж муқобил аэродромга боришга қарор қилди.
Boeing 737 самолёти маҳаллий вақт билан 22:11 да пойтахтга келиб қўнди. Самолётдан йўловчи (1954 йилда туғилган аёл) ва унинг юклари туширилгач йўловчи инсульт гумони билан Тошкентдаги тиббиёт муассасаларидан бирига ётқизилди.
Самолёт Тошкент вақти билан соат 23:02 да Москвага учди.
