Вафот этган барча фуқароларнинг жасадларини Ўзбекистонга олиб кетиш бўйича Ташқи ишлар вазирлиги ва Миграция агентлиги томонидан тегишли консуллик, ҳуқуқий ва ташкилий ёрдам кўрсатилмоқда.
Қайд этилишича, шу йилнинг 30 январь ҳолатига кўра, Туркия ҳудудида сохта спиртли ичимликдан заҳарланган Ўзбекистон фуқаролари сони 23 нафарга етди. Уларнинг икки нафари — аёл.
Маълумотларга кўра, баъзи ватандошларимиз даволаниш курсини якунлаб, шифохонадан чиқишган, айримлари эса тиббий муолажаларни давом эттирмоқда.
Ўзбекистоннинг Анқарадаги элчихонаси ва Истанбулдаги Бош консулхонаси ушбу масала бўйича назоратни давом эттирмоқда.
