Кеча, 30 январь куни Вашингтонда вертолёт билан тўқнашган самолётнинг барча йўловчилари ҳалок бўлган. АҚШ президенти бу ҳақда матбуот анжумани чоғида маълум қилди. Трампга кўра, ҳалокат ҳарбий вертолёт экипажининг хатоси сабаб содир бўлган.
"Вертолёт йўловчи лайнери билан бир хил баландликда бўлган ва бу фожиани келтириб чиқарган. Йўловчи самолёт экипажи тўғри ҳаракат қилган, ҳалокатга вертолёт сабаб бўлган", — деди президент.
Трамп, шунингдек, парвоз стандартларини яна қатъийлаштиришини билдирди. У бу стандартларни биринчи президентлик муддати давомида кучайтирганини, аммо кейинчалик Байден уларни юмшатганини айтди.
"Байден ва Обама сиёсатни биринчи ўринга қўйган, мен эса хавфсизликни устувор деб биламан", — дея таъкидлади Трамп.
