Туркиянинг Aнқара шаҳрида қалбаки спиртли ичимликдан вафот этганлар сони 5 кишининг ўлимидан сўнг 38 нафарга етди. Шунингдек, 32 киши шифохонанинг жонлантириш бўлимига ётқизилган.
Туркиянинг Sabah газетаси зишича, Aнқара Бош прокуратураси томонидан контрабанда ва эҳтимолий қасддан ўлимга сабаб бўлиш жиноятлари бўйича 104 та жиноят иши очилган ва 19 нафар гумонланувчи шахс қўлга олинган, 34 нафар гумонланувчи эса суд назорати остида қўйиб юборилган.
Ҳибсга олинганлардан бири Й.К.К., "Мен буни спиртли ичимликлар истеъмол қилиш учун қилдим. Этил спиртини интернетдан оламан”, дея кўрсатма берган.
Ш.Д. У. Эса 2 йил олдин ноқонуний спиртли ичимликлар ишлаб чиқарганини ва материалларни интернет орқали сотиб олганини айтган. Бошқа томондан, Истанбулнинг Зейтинбурну шаҳрида сохта спиртли ичимликлар сотилган икки манзилга рейд уюштирилди. Рейд давомида Р.Е. ва С.С. исмли икки нафар гумонланувчи қўлга олинган, 80 литр қалбаки спиртли ичимлик ва уни ишлаб чиқаришда фойдаланилган материаллар олиб қўйилган.
Маълумотларга қараганда, Туркияда қалбаки алкогол маҳсулот истеъмол қилиш натижасида ҳалок бўлганлар сони 104 кишига етди. Вафот этганларнинг аксариятини Туркия ва Ўзбекистон фуқаролари ташкил этади. Бу ҳолатлар юзасидан Туркия полицияси уюштирган кенг кўламли рейдлар жараёнида 34 кишини ҳисбга олинган, 44 киши эса терговга тортилган.
Абдуллоҳ Саййид
