Қозоғистонда шахта қулаши оқибатида 7 нафар кончи ҳалок бўлди. Маҳаллий ОАВга кўра, ҳалокат Улитов вилоятидаги “Жомарт” конида юз берди. Дастлабки тахминларга кўра, конда табиий газ портлаган.
Қозоғистон президенти қурбонларнинг оиласига ҳамдардлик билдирди. Шунингдек, давлат раҳбари ҳодиса сабаларини ўрганишни ва ҳалок бўлганларнинг оилаларига ёрдам беришни буюрди.
Маълум қилинишича, “Қозоқмис” ҳалок бўлган кончиларнинг оилаларига моддий ёрдам кўрсатади. Бунда ходимнинг ўртача йиллик иш ҳақининг 10 баравари миқдорида компенсация, шунингдек, дафн маросимини ташкил этиш учун 2 млн тенгедан ортиқ маблағ ажратилади.
Боқувчисини йўқотганлар учун ҳар ойлик тўловлар, болаларнинг таълим харажатлари, ҳалок бўлган ходимларнинг қарзлари ва кредитлари ҳамда қариндошларга бошқа ёрдамлар тақдим этилади.
