АҚШ томони G7 – “Катта еттилик” давлатлари коммюникесида Россияга нисбатан "агрессор" сўзи ишлатишига қарши чиқди.
24 феврал куни Россиянинг Украинага бостириб кириб, уруш ҳаракатлари бошлаганига роса 3 йил тўлади. АҚШ G7нинг ушбу санага бағишланган коммюникесида Россияга нисбатан "агрессор" ибораси қўлланилишига қарши чиқди. Бу ҳақда Британиянинг Financial Times газетаси ўз манбаларга таяниб ёзмоқда.
Нашр манбаларига кўра, Украина президенти Владимир Зеленскийнинг душанба куни бўлиб ўтадиган виртуал G7 саммитида иштирок этиши масаласи ҳам ҳозирча аниқ келишиб олинмаган.
Financial Times мақоласида таъкидланганидек, бу Ғарбнинг "анъанавий бирдамлиги ифодаси”ни бузиши мумкин.
Эслатиб ўтамиз, 20 феврал куни Украинада махсус ҳарбий операция бошланганидан бери биринчи марта AҚШ томони БМТ Бош Aссамблеясининг Украинага бағишланган Россияга қарши резолюция лойиҳасига ҳаммуаллифлик қилмади.
Aввалроқ эса Европа дипломатияси раҳбари “Россия ҳужуми” ҳақида гапирган эди.
Абдуллоҳ Саййид
