Украина президенти Владимир Зеленский Украина тинчликка интилишини ва бу йўналишда «Президент Трампнинг кучли етакчилиги» остида ишлашга тайёр эканини маълум қилди.
Зеленский Х ижтимоий тармоғида қолдирган постида шу ҳақда маълум қилган.
Ҳеч қайсиларимиз охири йӯқ урушни истамаймиз. Украина ишончли тинчликка эришиш учун музокаралар столига илoжи борича тезроқ ўтиришга тайёр. Украиналардан кўра ҳеч ким кўпроқ тинчликни хоҳламайди. Мен ва жамоам мустаҳкам тинчликка эришиш учун Президент Трампнинг кучли етакчилиги остида ишлашга тайёрмиз. Урушни тугатиш учун тезкор ишлашга тайёрмиз…, — деб ёзди Украина президенти X ижтимоий тармоғида.
"Биз урушни тугатиш учун тезкор ишлашга тайёрмиз ва биринчи босқичлар сифатида асирларни озод қилиш, осмонда тезкор ўт очишни тўхтатиш: ракеталар, узоқ масофали дронлар, энергетика ва бошқа фуқаролик инфратузилмасини бомбардимон қилишни тақиқлаш ҳамда денгизда дарҳол ўт очишни тўхтатиш мумкин, агар Россия ҳам шундай қилса. Шундан сўнг, биз барча кейинги босқичларни жуда тезкор ўтиб, АҚШ билан мустаҳкам якуний келишувга эришмоқчимиз", — деб давом этди Зеленский ўз постида.
"Жума куни Вашингтонда, Оқ уйда бўлиб ўтган учрашувимиз кутилганидек ўтмади. Бу содир бўлгани ачинарли. Энди ҳамма нарсани тўғри йўлга қўйиш вақти келди. Биз келгусидаги ҳамкорлик ва мулоқот конструктив бўлишини истаймиз", — деб ёзди Украина президенти.
"Минераллар ва хавфсизлик бўйича келишув ҳақида гапирадиган бўлсак, Украина уни исталган вақтда ва исталган қулай форматда имзолашга тайёр. Биз бу келишувни хавфсизликни мустаҳкамлаш ва ишончли кафолатлар йўлидаги қадам деб биламиз ҳамда унинг самарали ишлашидан чинакам умидвормиз", — деб ёзган Зеленский.
Эслатиб ӯтамиз Зеленский ва Трамп Оқ Уйда ӯтказилган суҳбатда тортишиб қолган эди. Бундан ғазабланган Трамп Украинага кӯмак беришни тӯхтатган эди. Шундан сӯнг Киевда АҚШнинг ёрдамисиз Украина янада кӯпроқ ҳудудларидан айрилиб қолиши мумкинлигидан хавотирлар пайдо бӯлган.
Абдуллоҳ Саййид
